Aktuell sind 101 Gäste online

                
Daily Fashion report

Denn et Heimweh nimms de met

 

 

M u T: Hans Knipp

Arr: Jan de Werth

Verlag: Papagayo Musikverlag

(P) Papagayo Musikverlag

 


Es et d'r Dom un d'r Rhing
die de jetzt nit mih sühst?
Sin et die Hüsjer un Jasse
die de jetzt su vermess?
Sin es die Lück, die m'r jän hatt
die m'r verlosse hät
oder sin et die kölschen Leedcher?
Leeve Fründ, et es vun allem jet

Denn et Heimwih nimms de met
Denn ding Heimat verjiss de nit
Un su wick vun doheim
Jo do simmer su allein
Un em Hätze die Ping
Es et Heimwih noh Kölle am Rhing

Immer widder denks de zeröck
aan die verjangene Zick
Jeld häs de reichlich jemaat
ävver es dat et Glöck
Eine Draum kütt immer widder
dä vun dinger Heimatstadt
un schon mih als dausendmol do häs de
en Jedanke de Koffer schon jepack

Denn et Heimwih nimms de met
Denn ding Heimat verjiss de nit
Un su wick vun doheim
Jo do simmer su allein
Un em Hätze die Ping
Es et Heimwih noh Kölle am Rhing